ບໍລິສັດ ສະປິດ ອິນເຕີເນຊັນແນນ ທຣານສະປອດ ລາວ ຈຳກັດ ແມ່ນບໍລິສັດຜູ້ນຳໜ້າ ວຽກງານບໍລິການດ້ານການ ຂົນສົ່ງສິນຄ້າ ແລະ ໂລຈິດສະຕິກ ໃນ ສປປ ລາວ ທີ່ມີຄວາມຊ່ຽວຊານ ແລະ ປະສົບການ ດ້ານການຂົນສົ່ງ, ໂລຈິດສະຕິກ, ລະບົບສາງ, ການແຈ້ງເອກະສານພາສີ ແລະ ການຄ່ຽນຖ່າຍສິນຄ້າ ຄົບວົງຈອນ.

ນັບຕັ້ງແຕ່ທົດສະວັດຜ່ານມາ, ອີງໃສ່ ສະພາບການຂອງການພັດທະນາທາງດ້ານເສດຖະກິດ ແລະ ຄວາມຮຽກ ຮ້ອງ ຕ້ອງການໃນການເຊື່ອມໂຍງ ແລະ ເຊື່ອມຈອດຂອງໂລກ, ພັກ ແລະ ລັດຖະບານ ແຫ່ງ ສປປ ລາວ ໄດ້ເອົາໃຈໃສ່ ໃນການ ດຳເນີນນະໂຍບາຍ ສົ່ງເສີມກຳລັງແຮງຂອງ ທຸກພາກສ່ວນເສດຖະກິດ ລວມທັງເປ້ດກ້ວາງການຮ່ວມມືກັບຕ່າງປະເທດ ເວົ້າສະເພາະ ການບໍລິການດ້ານການຂົນສົ່ງ ແລະ ໂລຊິດສະຕິກ ຢູ່ໃນ ສປປ ລາວ ຖືເປັນຍຸດທະສາດອັນສຳຄັນ ໃນການ ຫັນຈາກປະເທດທີ່ບໍ່ມີຊາຍແດນຕິດກັບທະເລ ມາເປັນປະເທດທີ່ໃຫ້ການບໍລິການ ດ້ານຄົມມະນາຄົມ-ຂົນສົ່ງ ທີ່ ສະດວກ, ໂລ່ງ່ຽນ ແລະ ເຊື່ອມໂຍງກັບພາກພື້ນ ແລະ ສາກົນ ຢ່າງປະສິດທິຜົນ.

ເນື່ອງຈາກ ການບໍລິການ ດ້ານການຂົນສົ່ງ ແລະ ໂລຈິດສະຕິກ ທີ່ ສະດວກ, ວ້ອງໄວ ແລະ ລາຄາ ສົມເຫດສົມຜົນ, ບໍລິສັດ ສະປິດ ອິນເຕີ ຈຳກັດ ຊຶ່ງໄດ້ເຕີບໂຕຈາກການເປັນບໍລິສັດ ເຄືອຄ່າຍ ຂອງ ບໍລິສັດ ຂົນສົ່ງສາກົນ ຈຳກັດ ທີ່ມີ ປະສົບການ 17 ປີ ຈຶ່ງໄດ້ມີ ຄູ່ຄ້າ ແລະ ລູກຄ້າ ຢ່າງຫຼວງຫຼາຍ ທັງພາຍໃນປະເທດ ແລະ ສາກົນ ເຮັດໃຫ້ ພວກເຮົາ ມີ ຄວາມພາກພູມໃຈ ໃນການ ເປັນສ່ວນໜຶ່ງ ທີ່ໄດ້ປະກອບສ່ວນ ໃນການສ້າງສາ ແລະ ພັດທະນາເສດຖະກິດຂອງ ສປປ ລາວ ແລະ ຈະສືບຕໍ່ຜັນຂະຫຍາຍແນວທາງ ຂອງພັກ ແລະ ລັດຖະບານ ເພື່ອເຮັດໃຫ້ບັນລຸເປົ່າໝາຍຂອງການພັດທະນາ ເສດຖະກິດແຫ່ງຊາດ.

ຂໍຂອບໃຈ ລັດຖະບານ ແຫ່ງ ສປປ ລາວ ທີ່ໄດ້ກຳນົດນະໂຍບາຍ ແລະ ຊຸກຍູ່ ພາກທຸລະກິດ ຂົນສົ່ງ ແລະ ໂລຈິດສະຕິກ ຂອງລາວ ໃຫ້ນັບມື້ນັບມີຄວາມເຂັ້ມແຂງ ແລະ ກ່າວໜ້າ, ຂໍຂອບໃຈບັນດາຄູ່ຮ່ວມທຸລະກິດ ຂົນສົ່ງ ແລະ ໂລຈິດສະຕິກ ພາຍໃນ ສປປ ລາວ ແລະ ສາກົນ ທຸກທ່ານ ທີ່ໃຫ້ຄວາມໄວ້ວາງໃຈ ໃຊ້ບໍລິການ ແລະ ພ້ອມກັນພັດທະນາ ວຽກງານຂົນສົ່ງສິນຄ້າ ແລະ ໂລຈິດສະຕິກ ກັບ ບໍລິສັດ ສະປິດ ອິນເຕີເນຊັນແນນ ທຣານສະປອດ ລາວ ຈຳກັດ ໃຫ້ນັບມືຶ້ນັບເຕີບໃຫ້ຍຂະຫຍາຍຕົວ ແລະ ໃຫ້ເປັນບໍລິສັດ ຊັ້ນນຳຂອງ ສປປ ລາວ ແລະ ສືບຕໍ່ ຂະຫຍາຍຕົວ ໃຫ້ສາມາດຮ່ວມມື ແລະ ແຂ່ງຂັນກັບພາກທຸລະກິດກັບປະເທດເພື່ອນບ້ານໄດ້ ຢ່າງຕັ້ງໜ້າ.